Reacciones a la conseyera d’Educación alrodiu la Llingua

18 de xineru de 2013 DE 2013 • Glayiu

Lluéu de selmanes d’axitación pola esclusión del Asturianu del currículu escolar cola reforma del ministru Wert, güei la conseyera d’Educación del Principáu informaba que l’asturianu tará nos centros escolares "como asignatura d’oferta obligada", magar el so calter voluntariu. Ufrimos les reacciones de los principales actores de la llucha pola defensa del asturianu como llingua.

Toles organizaciones asturianes del movimientu de recuperación llingüística tocaben arrebatu nes últimes selmanes pol evidente retrocesu que tamos viviendo na normalización de la llingua. A los recortes na promoción del asturianu, amestábase la desapaición de la llingua como asignatura nos estudios de los escolinos. Güei Ana González, conseyera d’Educacion y Cultura del Principáu, informaba de que l’asturianu tará presente na ufierta d’asignatures voluntaries de los centros escolares, lluéu de face-y esta propuesta al ministru d’Educación, Juan Ignacio Wert.

Zapico: "La conseyera ta vendiendo fumu, direutamente"

Faustino Zapico, ún de los voceros del sindicatu de la enseñanza SUATEA, calificó de venta de fumu les declaraciones de Ana González. "L’asturianu anguaño ye d’ufierta obligada, asina que tampoco ye que tean descubriendo la pólvora. Lo que tán plantegando agora ye que’l calter del asturianu en Secundaria, ser una asignatura optativa, tamién se cinque na Primaria. En Primaria los escolinos han escoyer ente asturianu o una alternativa, mentantu que na Secundaria la llingua ye una más d’ente les materies ufríes. Poro, en Primaria l’asturianu diba pasar a competir con otres asignatures optatives, impartíes por una plantilla de profesores interinos en condiciones de precariedá llaboral. Too ello llevará al asturianu precisamente a una mayor precariedá, porque tal como ta llantáu, poniéndolo como una asignatura más, podemos topanos con que la llingua nun tenga más qu’una hora de docencia a la selmana. Esto significa la so muerte a dulces, poro, tien más sentíu que nunca lo que planteábemos na asamblea del martes pasáu, y la movilización por una presencia digna de la llingua nel sistema educativu".

XDLLA: "Les palabres de la conseyera son engañoses"

Carlos Pulgar, voceru de la Xunta pola Defensa de la Llingua asturiana, muérganu decanu la llucha pola reivindicación llingüística, afirmo que "les palabres de la conseyera d’Educación non solo son insuficientes sinón que son engañoses porque nun especifica les condiciones nes que va tar presente depués d’aplicar la nueva reforma educativa". Lo mesmu que SUATEA la Xunta pola s’esmolez pola situación que tendrá l’asignatura d’Asturianu dientro’l sistema educativu. "En primaria pasará de ser voluntaria a ser opcional, teniendo que competir con Música o Francés, y en Secundaria con Plástica, Tecnoloxía o Música en Secundaria. En dambos casos esto supón un incumplimientu claro de la Llei d´Usu y Promoción del Asturianu qu’aprebó’l propiu gobiernu ‘socialista"’.

Inaciu Galán: