Concentración ante’l xuiciu represivu n’Uviéu

29 de mayu de 2013 DE 2013 • Glayiu

Ayeri a les 11 de la mañana más de mediu centenar de persones concentróse nos xulgaos de LLamaquique pa sofitar a Andrés, deteníu na pasada fuelga xeneral por participar nun piquete. Los convocantes tacharon el xuiciu "d’arbitrariu, desproporcionáu ya inxustificáu".

Le acusáben de resistencia a l’autoridá, por tardar n’identificase tres la detención, a pesar de ser identificáu a lo llargo de la mañana n’otros dos causes pol mesmu dispositivu, y por arramar nel suelu y triar una botella con amoniacu que los mesmos antidisturbios averáben-y a la boca convidándo-y a beber (tratabase d’un productu de llimpieza domésticu que llevaba na so mochila). Amás, en arramándose el conteníu de la botella, lo arrodillaron sobre los vapores del amoniacu ente insultos, y volvieron a emburrialo contra ellos una vegada consiguió ponese de pies.
Selmanes dempués, según faen saber nun comunicao la xente del CSOA La Madreña "el mesmu compañeru sería oxetivu d’una identificación selectiva" tres una protesta ante la see del PP, contra la corrupción cuando se desatapó’l casu de los sobres de Bárcenas, de la cual derivóse una multa de 120 euros por glayar “menos policía, más educación”.

Andrés quien tachaba’l xuiciu de "tontura y nimiedá" declaró a la entrada de los xulgaos que "S’esta faciendo evidente que la violencia y la represión ye la única midida que-yos queda pa imponer les sos midíes antisociales, pero con caúna d’estes que faen tán echando tierra enriba de la tumba d’esti sistema podre que quieren caltener, por eso hai que dajarles claro que si toquen a unx toquen a todxs."

DOCUMENTOS