Vivir dignamente ye un derechu, atrapa@s nel llaberintu

26 de xunu de 2013 DE 2013 • Glayiu

L’asociación contra la esclusión social Alambique esta llevando a cabu una campaña d’acompañamientu a un vecín de Xixón que lleva esperando 20 meses el resolvimientu del Salariu Social Básicu. "La respuesta de l’Alministración ye culpabilizar a les persones ensin recursos y criminalizar la contestación social."

Dende’l martes 18 de Xunu l’asociación alambique vien acompañando a un vecín de Xixón que lleva esperando 20 meses el resolvimientu del Salariu Social Básicu. Mentanto completó 18 meses d’Ayuda d’Emerxencia Social pa poder encarar asina los pagos básicos d’agua, lluz, gas y arriendu de la so vivienda social.

Dempués d’esperar un mes pola respuesta al so pidimientu de prórroga, refugaronlo col argumentu de superar los 18 meses cobrando esta ayuda. Y nun se-y da nenguna otra opción, tando nuna situación d’emerxencia motivada pola mesma alministración al nun ser capaz de tramitar el so derechu al salariu social. Nesta situación s’atopen otres persones de Xixón qu’esperen mas de 18 meses pol salariu social y que tienen qu’anovar la so Ayuda d’Emerxencia Social.

Apocayá l’asociación Alambique fuerza una xunta cola concejala de Bienestar Social, Eva Illán (Foru) en zarrándose na Gota de Lleche, tres reclamar la presencia de la Policía Local, aportó a recibir a esta persona acompañada d’un miembru de l’asociación Alambique.

Anque mientres la mesma, treslladó la responsabilidá de la situación a la Conseyería de Bienestar Social (Dª Esther Díaz, PSOE). Reconoció qu’a pesar d’ampliar el presupuestu, si prorroguen la AES a les persones a la espera del salariu social nun van poder resolver toes los pidimientos nuevos de les mesmes. Frente al nuesu pidimientu de dir más allá na reconocencia a toles persones del derechu a un ingresu mínimu pa poder subsistir, afirma faer tou lo que ta na so mano.

Despues d’esta entrevista dende Alambique consideren que si la Fundación Municipal de Servicios Sociales nun puede camudar la normativa, su reinvindicación tien que dir escontra la maxima responsable politica de la ciudá de Xixón l’Alcaldesa Carmen Moriyon. Asina que nesta linea el martes 25 de Xunu alleguen a un actu de l’alcaldesa pa esixir una solución y prorrogar de les Ayudes d’Emerxencia Social.

L’Alcaldesa acepta la propuesta d’alcuentru y repitio los argumentos de la Concejala de Servicios Sociales amosando la so esmolición pol atascu del Salariu Social , pero ensin asumir directamente la responsabilidá que la Fundación Municipal de Servicios Sociales tien pa prorrogar les Ayudes d’Emerxencia Social. Polo que l’asociación alambique treslláda-y el so intención de siguir coles permanencies y protestes diaries delantre de la Fundación Municipal de servicios sociales, mientres esperen que se confirme la fecha propuesta pal alcuentru.

Dende Alambique quieren declarar que "Nun queremos llimosna, sinón xusticia social" y llamen a la ciudadanía a acompañar a esta persona toes los díes, a partir de les 11.30h delantre de la Fundación Municipal de Servicios Sociales, pa reclamar una solución pa tods

DOCUMENTOS