[Videu] Manifestación pol futuru de la minería en Cangas

19 de abril de 2013 DE 2013 • Glayiu

Movilización pol futuru de la minería del carbón en Cangas del Narcea.

El colectivu de mineros que dependen de Victorino Alonso y les Muyeres del carbón entamaron una movilización el sábadu pasáu en Cangas del Narcea, col sofitu de les Suncontrates de la Minería, el Colectivu de Parad@s-Presari@s de Asturies y la Corriente Sindical d’Izquierda.
Dellos cientos de persones caleyaron pel centru de la villa reclamando soluciones de futuru pa la minería del carbón del suroccidente, y desixeron al polémicu empresariu bercianu que dexe de facer chantaxe a les plantilles de les sos empreses cola menaza d’aceptar l’empeoramientu de les condiciones o el pieslle de les mines.