Uviéu manifiestase contra la LOCME

28 de xunu de 2013 DE 2013 • Glayiu

Cientos de persones manifiestense poles centriques cais uviéinas pola enseñanza pública, laica y de calidá, contra la LOCME, la reforma educativa que pretende imponer el ministru Wert, que los convocantes tachan de segregadora, clasista, machista, homofobica y ultrarelixosa.

Pa la comunidá educativa, la reforma educativa del Gobiernu del PP supon "un retrocesu nel modelu d’enseñanza y un peligru d’esmantelamientu y privatización". Por ello, convocaos por sindicatos, colectivos, padres y alumnos cientos de persones se manifestarón dede la plaza d’España en defensa de la educación pública pa depués movese hasta la plaza de la Escandalera.

Esti actu taba enmarcáu nos actos y movilizaciones de "Xunu en Verde" una campaña de movilización sostenida contra la Llei Orgánica pa la Meyora de la Calidá Educativa (LOMCE) y los retayos n’educación.

Dende el Sindicatu d’enseñanza Suatea en declaraciones a los medios alvirtieron de que "a partir de setiembre preparen un seronda caliente con manifestaciones, encierres, concentraciones y fuelgues xenerales na enseñanza" coles mires de frenar la LOMCE. "Tratase d’un retrocesu a la enseñanza del franquismu".
"El ministru ye abondo arteru faciendo cortines de fumu al focalizar l’atención nes beques, que ye una tema pergrave, pa evitar l’alderique sobre l’ataque fronteru al sistema públicu d’educación que ye esta llei".