Una de les nuestres

6 de xunu de 2013 DE 2013 • Glayiu
JPEG - 724.5 KB

El martes pasáu colaba pa Inglaterra a buscase la vida la nuestra collaboradora y amiga Bea R. Viado. Na brillante columna espublizada na sección Glayíos Bea nos cuenta de primera mano qué ye lo que la lleva a marchar de la Tierrina y qué ye pelo que nun ta dispuesta a pasar.

Fartos de les tochures manides sobre la "movilidá esterior", les "lleendes urbanes" y demás eufemismos pa tratar de negar lo evidente, el colectivu Glayíu quier reivindicar la valía personal y humana de les persones que como Beatriz R. Viado, garren la maleta depués de gastar tolos cartuchos na búsqueda de la sobrevivencia na so tierra; entós y sólo entós, enantes de caer na incoherencia personal o na humildación llaboral, ye cuando emigren.

Bea arrenunció al puestín, daqué tan asturianu como la sidra o l’orbayu, por nun querer tragar colo intragable nin facer de mamporrera del patrón. Estudió, educóse y formóse pa descubrir que o tenía demasiada formación o taba enforma estudiada como pa que-y dieran un trabayu con salariu acordies a so valía.

Y yá qu’ella nun lo diz, pola so valoratible modestia y discreción, seremos nós, les persones qu’atendemos esta web, les que destaquemos les sos virtudes profesionales y el valor humano. Bea arrenunció al puestín, daqué tan asturianu como la sidra o l’orbayu, por nun querer tragar colo intragable nin facer de mamporrera del patrón. Estudió, educóse y formóse pa descubrir que o tenía demasiada formación o taba enforma estudiada como pa que-y dieran un trabayu con salariu acordies a so valía. Ye una d’eses fíes d’obreru que fue a la universidá, como desixía glayando el movimientu estudiantil a comienzos de los ochenta. El fíu del obreru fue pa la universidá y salió d’ella namás que pa decatase que nesta tierra naide nun contaba con él, y que la lexón de llicenciaos y llicenciaes que cada añu salía d’Uniovi diben tener que desempolvar la maleta de cartón del bisgüelu y facese habituales de Villalpando, provincia de Zamora.

Bea nin supo nin quiso vender el so producto, la so persona, envolvese d’un packaging rellumante y colorista y promocionar el so valir. Prefier que-y lo reconozan col tratu y coles evidencies de la realidá. Y la sentencia pa pa les que nun quieran entrar pel aru ehí ta: l’Alsa, la Renfe o Vueling.

Sicasí, magar que la bayura de Bees ye escomanada y que toes y toos conecemos a unes cuantes, vais permitinos que personalicemos güei el nuestru ciñu nella. Anque digan que Londres ye mui guapo, nun arrenunciamos a tenete con nós viviendo y trabayando nuna Asturies llibre, compañera.