Trabayadores de Felguera Melt corten la circulación férrea

21 de payares de 2013 DE 2013 • Glayiu

Lluéu d’avisar a Renfe, los trabayadores de Felguera Melt baltaron esta mañana un árbol sobre la vía férrea que comunica Asturies cola meseta en señal de protesta pol zarru de la filial del grupu Duro Felguera. El corte de la circulación tuvo llugar ente Campumanes y Ponte Los Fierros.

Esta acción esta enmarcada dientro la segunda xornada de fuelga na planta llangreana, poles condiciones de zarru que la dirección trata d’imponer. Los trabayadores tamién protagonizaron una marcha ente les instalaciones de Felguera Melt y l’estatua de Pedro Duru, fundador de la empresa. Ye otra movilización cargada de simbolismu y na que los obreros cuntaron col sofitu de familiares.

Duro Felguera plantegó n’abril el zarru de los dos talleres que-y queden en Llangréu, el conceyu na que foi fundada en 1857. Tres la última reunión comunicólos que recurriría a un ERE d’estinción pa los 92 emplegaos.