Solidaridá colos trabayadores arxentinos condergaos a cadena perpétua

14 de avientu de 2013 DE 2013 • Glayiu

Cuatro trabayadores del sector petroleru arxentín fueron condergaos a cadena perpetua, mientres otros ocho enfréntense a estremaes condergues. Estos cuatro trabayadores petroleros de Las Heras, Santa Cruz, fueron condergaos a la pena de cadena perpetua pola muerte del policía Sayago, producida en 2006 demientres una fuelga.

Dende la Corriente Sindical d’Izquierda faen pública su solidaridá pa colos trabayadores petroleros arxentinos de Las Heras y esixen la so inmediata puesta en llibertá.

Cuatro trabayadores del sector petroleru arxentín fueron condergaos a cadena perpetua, mientres otros ocho enfréntense a estremaes condergues. Estos cuatro trabayadores petroleros de Las Heras, Santa Cruz, fueron condergaos a la pena de cadena perpetua pola muerte del policía Sayago, producida en 2006 demientres una fuelga que trescaló al norte de la provincia de los Kirchner. Ramón Inocencio Cortez, José Rosales, Franco Padilla y Hugo González son los obreros que, según un fallu increíble de la xusticia santacruceña, tendrán de pasar el restu los sos díes tres les rexes ensin denguna preba. La democracia arxentina vive güei un día d’oprobio.

“Namás hubo un testigu, d’apellíu Rosal, que dixo que la so declaración qu’acusaba a ún de los condergaos fuera realizada so apremios illegales –diz la doctora Claudia Ferrero, miembru de l’Asociación de Profesionales en Llucha y lletrada de los condergaos-. Nun hubo denguna preba. Esti xuiciu ye totalmente irregular. Ye una clara entrega de la corporación xudicial p’aselar los ánimos de la policía en Santa Cruz, ye una ufrienda a la policía. Vamos apelar la sentencia por tolos vicios qu’anulen el procesu”.

Demientres les detenciones denunciáronse vexames y tortures nos interrogatorios, pa consiguir testimonios incriminatorios y el procesu xudicial tuvo tan llaráu d’irregularidaes qu’el mesmu Fiscal va tener qu’enfrentase, agora, a una denuncia por incumplimientu de los sos deberes como funcionariu públicu.

La muerte del policía Sayago nun foi esclariada nesti procesu xudicial. Otra manera, condérgase a trabayadores a prisión por realizar una gran fuelga a la escontra l’impuestu al salariu y la tercerización nel norte de la provincia de Santa Cruz, cuando yera gobernada dende la Casa Rosada polos Kirchner. Un escuru día pa la xusticia acaba de vivise na Patagonia arxentina.

Y tou ello, nun contestu de criminalización y represión xeneralizada de cualquier tipu de protesta obrera que tien enforma que ver colos negocios petroleros de la familia Kirchner.

Pa terminar, reproducimos les palabres d’unu de el trabayadores condergaos a cadena perpetua: “Somos inocentes. Ye una vergoña. ¿Cómo s’enllena la boca la presidenta colos derechos humanos cuando se conderga na so provincia a trabayadores por una movida política? Quieren que teamos presos por que naide más s’anime a salir a engarrar polos sos derechos. Pidímos-y a la Central de Trabayadores Arxentinos (CTA), al Frente d’Izquierda, a toles organizaciones que salgan a pidir un paru nacional. Quédennos pocos díes de llibertá y van enzarranos ensin denguna prueba de nada”.

Agora, la llucha pola llibertá d’estos compañeros pasa por impulsar una fuelga xeneral n’Arxentina y por intensificar la campaña de solidaridá internacional.

Dende la CSI, anuncien que van faer tou lo que tea nes sos manos.