Solidaridá cola asamblea de trabayaores de Tenneco (Monroe)

9 de payares de 2013 DE 2013 • Glayiu

Nuna xunta caltenida na Casa Sindical de Xixón, los sindicatos CIG y CUT de Galiza, LAB, ELA Y ESK d’Euskal Herría, IAC de Catalunya, SAT d’Andalucía y CSI d’Asturies, fixeron públicu un comunicáu nel qu’amuesen el so sofitu y solidaridá a l’Asamblea Trabayadores de la empresa Tenneco y esixen la retirada’l procesu de pieslle de la planta y el caltenimientu la totalidá de los puestos de trabayu.

Pa estos sindicatos, la situación de paru que se vive n’Asturies, nun permite nin un paráu nin una parada nin un zarru d’empresa más, sobretou si, como nesti casu, namás que la pura y simple ambición empresarial podríe xustificar el pieslle la planta.

Dende estos sindicatos aplauden y afalan la movilización y organización de los y les trabayadores de Tenneco y defiendes firmemente la xunidá de la so Asamblea, como la meyor ferramienta de llucha y movilización.

Coles mesmes, sofiten unánimemente la decisión de l’Asamblea de Trabayadores de Tenneco, de refugar cualisquier triba de “incentivu” o indemnización en cuenta de los puestos de trabayu y afitar como únicu oxetivu la continuidá de la planta y de la totalidá de los puestos de trabayu.

DOCUMENTOS