Solidaridá col SAT. Entrega d’autoinculpaciones

La campaña de solidaridá col sindictu andaluz incluye autoinculpaciones voluntaries poles espropiaciones d’alimentos a grandes superficies

29 de xineru de 2013 DE 2013 • Glayiu

Varies organizaciones sociales asturianes van presentar el sábadu 9 de febreru a les 12:30 na delegación del gobiernu n’Uviéu les fueyes recoyíes de ciudadanes y ciudadanos asturianos que s’autoinculpen de la espropiación d’alimentos que fizo el Sindicatu Andaluz de Trabayadores en supermercaos Mercadona d’Andalucía nel pasáu mes d’agostu.

La Corriente Sindical d’Izquierda, l’Asociación Cambalache, el Centru Social Sestaferia, l’Asociación escontra la esclusión Alambique, l’Asociación Cultural Picu Rabicu, l’Asociación L’Arcu la Vieya y l’Asociación Cultural La Semiente, convoquen un actu públicu, el prósimu sábadu 9 febreru, a les 12:30 h., delantre la Delegación de Gobiernu, n’Uviéu, pa facer efectiva la entrega d’autoinculpaciones recoyíes en Asturies en solidaridá coles aiciones d’espropiación realizaes pol Sindicatu Andaluz de Trabayadores (SAT) nos supermercaos de Mercadona n’agostu de 2012.