Radio Nava cola boca tapada na FM

24 de xunu de 2014 DE 2014 • Glayiu

El Ministeriu d’Industria, Enerxía y Turismu, cola dirección política del Ministru del ramu y alcahuetada pol restu de parásitos del poder, resuelve nel plazu d’un mes (tres 17 años d’emisión), precintar los equipos de Radio Nava y amenaza con multa d’hasta 500.000 €.

Esto ye lo que se-yos asocede, en llugar de trabayar en beneficiu de los ciudadanos; esto ye, desenvolver una llei de 2012 que nun plazu de 12 meses, daríanos LLICENCIA A LES RADIOS LLIBRES, ASOCIATIVES Y COMUÑALES.
Estes radios del estáu español, estremar de les comerciales, en que nun tenemos ánimu d’arriquecimientu y pertenecen al pueblu, al traviés de colectivos o asociaciones (n’Asturies tenemos a Radiu Kras, Radio Qk, Radio Uxo, Radio Nava, etc).
Esti nuevu ataque puédese englobar, dientro de la falta de considerancia, respetu y sensibilidá, escontra los colectivos sociales que trabayen con dignidá, polos pueblos, los barrios o les comunidaes.
Ante estes vultures del poder, dicir, que NUN NOS SENTIMOS REPRESENTAOS POR ESTA CASTA POLÍTICA, alloñada de les necesidaes de los ciudadanos, que nos nieguen derechos humanos básicos como: derechu al trabayu, a una vivienda digna, una educación calidable laica, una sanidá universal ensin costos de les melecines, una llibertá d’espresión con medios alternativos, un salariu mínimu suficiente, una participación constante nes decisiones polítiques de caláu y munches más coses, que vendríen de la mano d’una DEMOCRACIA, con mayúscules.
La situación ye llinde y nun tien arreglu, con estos VAMPIROS CHUPASANGRES que nos gobiernen.
La mayoría de la población ye consciente de cualos son los problemes y onde tán les soluciones.
Les marees ciudadanes entamaes redolada a los problemes, vivienda, sanidá, educación, etc, tuviéronse que xunir pa lluchar contra los atropellos a los que someten a la población.
El tiempu escósase. Primero que lo arruinen tou, tenemos qu’ECHA-YOS A LA CAI.
O como diría Labordeta...¡A LA MIERDA CON ELLOS!.