Quieren amedranar a la xente que llucha

1u de xunu de 2014 DE 2014 • Glayiu

El vienres pasáu trés compañeros del barriu burgalés de Gamonal tuvieron nel Centru Social La Semiente charrando y presentando el llibru "Porque gritamos", cuntando les sos esperiencies, de la so hestoria y de les sos lluches. Al acabar l’actividá ’dos secretes’ identificaron a 5 compañerxs no que denominaron un control rutinariu.

Relatu de los fechos per parte de lxs compañerxs de La Semiente:

El vienres pasáu tres compañeros del barriu burgalés de Gamonal vinieron como tantes otres persones y colectivos a lo llargo d’estos años a compartir cola xente que se arrimare hasta La Semiente, un puquiñin de les sos esperiencies, de la so hestoria y de les sos lluches. Vinieron a presentanos tamién el llibru "Porque gritamos" y de pasu a confraternizar alredor dun pincheu y dalgo de beber.
Nun terminara’l pinchéu, cuando dos compañeros de la semiente y los tres compañeros de Gamonal arrimáronse hasta casa pa dexar l’equipaxe y ver l’espaciu onde diben durmir los ponentes burgaleses, pero.... o sorpresa... camín de casa, al poco de dexar el centru social asáltalos un coche. Yeren dos "secretas", que saltaron del coche como un espuni. Pidieron la documentación de los cinco compañeros diciendo que se trataba d’un control rutinariu. Rutinariu??? Los que somos del pueblu sabemos que per equí nun se fain controles asi por así a saltu de coche. Dempués de paña-yos los carnés, un de los policíes metiose nel coche pa saca-yos fotos a los DNIs ante la protesta de los compañeros... Bueno, a lo que vamos, el casu nun dexaría de ser una anecdota más de fin de selmana, si nun supieremos de verdá, los motivos del control. L’unicu motivu pol que pararón a los compañeros de Gamonal y la Semiente, yera pa dexase ver, pa dicir, "ei que tamos equí y tamos xixilandovos!", "sabemos que venis del furacu esi y de qué" osea, pa demostrar que controlen los sos movimientos, y pa ver que tres elementacos de Gamonal en cuestión fueron los que vinieron a esta mierda pueblu y tener controlaos los sos movimentos. Y al final p’amedrananos.
Sabémoslo, señores axentes que golifiais esti perfil como tantos otros, que golifiais los nuestros centros sociales, que golifiais los mesmo que los sagüesos o cualisquier otru de la mesma especie.
Savémoslo y nun hai medrana.