Presentóse la campaña estatal “Escuela Pública y Laica: Relixón fuera d’Escuela”.

10 de payares de 2012 DE 2012 • Glayiu

José Luis Iglesias, presidente d’Asturies Laica-Europa Laica, manifestó qu’un apueste decidíu de la sociedá polo xeneral y de los poderes públicos en particular por una escuela pública, gratuita, democrática y laica ye una garantía p’avanzar a la escontra un modelu educativu integral, compensador de desigualdaes y non segregador.

Ayeri vienres 9, presentóse públicamente nel Conseyu la Mocedá de Xixón la campaña estatal “Escuela Pública y Laica: Relixón fora d’Escuela”. Asistieron representantes de les organizaciones firmantes nel ámbitu asturianu. En dichu actu intervieno José Luis Iglesias, presidente d’Asturies Laica-Europa Laica, pa esplicar les motivaciones d’esta campaña y los pidimientos que nella se realicen a les distintes instituciones del Estáu según el so grau de competencia.
José Luis Iglesias manifestó que “un apueste decidíu de la sociedá polo xeneral y de los poderes públicos en particular por una escuela pública, gratuita, democrática y laica ye una garantía p’avanzar a la escontra un modelu educativu integral, compensador de desigualdaes y non segregador". Añedió ente otres afirmaciones que “los centros escolares nun deben de ser, en nengún momentu, un llugar d’esclusión y discriminación y que neños y neñes nun deben de ser dixebraos en función de les creencies o convencimientos familiares”. Terminó la so intervención convidando a les organizaciones políticu y social que defendan un Estáu laicu a incorporase a esta campaña si entá nun lo fixeron y encamentando a los ciudadanos y ciudadanes a conocer y roblar el manifiestu utilizando bien les meses informatives que se van instalar en llugares públicos según nes web de les organizaciones xuntaes a la campaña.
A la finalización de la so intervención los presentes na mesa contestaron a les entrugues que ficieron los asistentes.

ESIXENCIES CIUDADANES

  • La derogación de los Alcuerdos cola Santa Sede.
  • Que la relixón dexe de formar parte del currículu y del horariu lectivu, saliendo de la Escuela.
  • Que nenguna simboloxía relixosa tenga presencia institucional nos centros escolares.
  • Que con dineru público nun se financie’l adoctrinamiento relixosu en nengún centru escolar.
  • Qu’en l’ámbitu escolar tórguese cualquier tipu de segregación por razones ideolóxiques, sociales o de sexu.
  • La derogación de los conciertos educativos (Agregu poles organizaciones firmantes n’Asturies)

ORGANIZACIONES FIRMANTES N’ASTURIES:

ASOCIACIÓN ASTURIAS LAICA-EUROPA LAICA, ASOCIACIÓN JUVENIL ESNALA, COMPROMISU POR ASTURIES, CONSEYU DE LA MOCEDÁ DE XIXÓN (C.M.X), EQUO ASTURIAS, FEDERACIÓN DE AMPAS DE CENTROS PÚBLICOS-XIXÓN, FRENTE CÍVICO, IZQUIERDA UNIDA D’ASTURIES (I.U.), LOGIA PROGRESO, MOCEDÁ D’IZQUIERDA UNIDA D’ASTURIES, MOVIMIENTO SOCIAL POR LA ESCUELA PÚBLICA DE ASTURIAS (M.S.E.P.A.), SINDICATU UNITARIU Y AUTÓNOMU DE TRABAYADORES DE LA ENSEÑANZA D’ASTURIES (S.U.A.T.E.A.), SOCIEDAD CULTURAL GIJONESA.