Premios Críticos de les Lletres Asturianes

30 de payares de 2012 DE 2012 • Glayiu

Güei la XDLA entregó los Premios Críticos de les Lletres Asturianes, que convocó de manera esceicional, depués de la decisión de l’Asociación d’Escritores d’Asturies d’eliminar, nos sos gallardones, les categoríes n’asturianu y gallego-asturianu baxo la escusa de la crisis y una baxa producción lliteraria n’esti idioma, aunque según datos de la XDLA nel 2011 espublizáronse 141 obres n’asturianu.

JPEG - 48.2 KB

Güei vienres 30 de payares, mediu centenar de persones asistieron n’Uviéu a la entrega de los Premios Críticos de les Lletres Asturianes, que convocó de manera esceicional, la Xunta pola Defensa de la Llingua Asturiana (XDLA). Depués de la decisión de l’Asociación d’Escritores d’Asturies d’eliminar, nos sos gallardones, les categoríes n’asturianu y gallego-asturianu baxo la escusa de la crisis y una baxa producción lliteraria n’esti idioma, aunque según datos de la XDLA nel 2011 espublizáronse 141 obres n’asturianu.

Los escritores gallardonaos fueron Berta Piñán na categoría de lliteratura infantil y xuvenil cola obra La mio hermana ye una mofeta, Xabiero Cayarga doblemente premiau nes categoríes de Poesía y narrativa coles sos obres La ñeve del cuquiellu y El sol negru de Wewelsburg y l’historiador Pablo Rodríguez Alonso qu’algamó’l Premiu Críticu de les Lletres Asturianes na categoría d’ensayu pola obra De totalitarios a demócrates. Franquismu, fascismu y nazismu na II Guerra Mundial al traviés del diariu xixonés «Voluntad»

GIF - 39.4 KB