Pol derechu a techu ¿pa qué sirve la empresa municipal de la vivienda?

11 de mayu de 2014 DE 2014 • Glayiu

El 8 de Mayu lxs compañerxs d’Alambique acompañaron de nuevu a Concepción, una vecina de Xixón que va ser desahauciada de la so vivienda, pa esixir que se respete’l so derechu a tener un techu. Y consiguir una entrevista colos responsables de vivienda que garanticen una solución a la situación xenerada pola Empresa Municipal de la Vivienda de Xixón.

Como n’anteriores ocasiones la única respuesta foi’l silenciu per parte de la Xerencia de la Empresa Municipal de la Vivienda y el so responsable Elena Sevilla. Que ademas dexó xulgásenos afirmando "qu’había que saber de lo que se falaba" y "que tábamos mal informaos".

Lo que non se dignu foi a recibir a Concepción , vecina de Xixón de 72 años que va ser deshauciada de la so vivienda ensin posibilidá d’axustar una salida a la so situación.
Lo que non se dignu foi a tener la sensibilidá abonda pa dar una respuesta a una vecina de la so ciudá qu’esta nuna situación de precariedá económica, ¿pa que sirve
la empresa municipal de la vivienda? Cada vez lo tenemos mas claro... pa trabayar pol derechu a tener un techu de toles persones….NO.

Vamos siguir movilizandonos hasta que s’atope una solución pa Concepción y p’otres
munches persones que estan na so mesma situación.

NUN QUEREMOS LLIMOSNA, QUEREMOS XUSTICIA SOCIAL.
VIVIR DIGNAMENTE YE UN DERECHU.