Ocupen les oficines de la FADE n’Uviéu

21 de payares de 2013 DE 2013 • Glayiu

Baxo la reivindicación de: "Los nuestros drechos nun se negocien, les nuestres vides nun se recorten" güei pela mañana varios activistas ocuparon temporalmente la sede de la FADE d’Uviéu pa reivindicar "una subsitencia digna pa tola población, pa visibilizar el problema del paru y la precariedá, defender los servicios públicos y sociales y la insumisión al pago de la deuda".

Miembros de la plataforma "Asturies en marcha 22M" ocupó temporalmente la see de la Federación Asturiana d’Empresarios (FADE), al terminar una concentración que convocaren na mañana de güei na Plaza d’España d’Uviéu. Mientres la ocupación asitiarón una pancarta contra los retayos por una de les ventanes col eslogan:"Roben los nuesos derechos pa enllenar los sos bolsos".

La plataforma "Asturies en marcha 22M" constituyida apocayá por delles organizaciones y colectivos pa sofitar la marcha que se va realizar el 22 de marzu dende diversos puntos d’España escontra Madrid pa protestar contra los retayos del Gobiernu central, col oxetivu de crear "un movimientu fuerte y xunío" que sirva pa dar rempuesta a les "escandaloses" polítiques del Executivu central.

DOCUMENTOS