Numberoses infracciones nos sondeos de Salave, temporalmente paralizaos

11 de payares de 2013 DE 2013 • Glayiu

Dende la Coordinadora Ecoloxista allegranse que se paralizaren los sondeos de Salave lo que llamentan ye que nun se paralizaron por orde del Principáu o del Conceyu polos continuos incumplimientos de les condiciones ambientales d’Esploraciones Mineres del Cantábricu, S.L.,” filial de Asturgold."

Los ecoloxistes acusen al Principáu de ’complicidá’ coles irregularidaes producíes, yá que a pesar de les pruebes d’estos incumplimientos, inda nun resolvió les denuncies por incumplimientos de les condiciones ambientales. "El Principáu autorizo’l pasáu xunetu, 10 nuevos sondeos na zona que diben tener una duración envalorada de 8 meses. Una zona onde la empresa minera reconoz que yá se fixeron 500 sondeos, polo que sospriende tantu sondéu, cuando son capaces de cunta-yos a los inversionistas d’esti proyectu, cuantos gramos d’oru dicen que van sacar en cada cuadricula que van esplotar".

Según la Coordinadora Ecoloxista n’esti mes y pocu de sondeos, fueron delles les denuncies que tuvieron al incumplir les condiciones autorizaes nel resolvimientu del Principáu publicaes nel Bopa del pasáu 26 de xunetu del 2013, de condiciones pa la realización de los 10 sondeos autorizaos.

Advierten que van siguir trabayando contra’l peligrosu proyectu de la mina y planta de tratamientu d’oru de Salave, qu’esta entá pindiu de numberoses autorizaciones ambientales y urbanístiques pa empecipiar la so esplotación.