Non al nuevu y diabólicu accesu del corredor del Nalón al Alcampo

26 de xunetu de 2013 DE 2013 • Glayiu

Dende el CS La Semiente anuncien una oposición frontal contra lo que tachan de la última cacicada urdida nes estancies municipales a instancies de la empresa Alcampo, a la cual, paez ser que’l Aytu de Samartín del Rei Aurelio rinde pleitesía, visto lo visto.

Dende La Semiente entienden que "Alcampo pretenda que se-y faiga un enlace directu al corredor del Nalón entra dientro de la lóxica esperable. Suponemos que, tras estudialo, llegaríen a la conclusión de que yos resultaría beneficioso, meyorando sus resultaos comerciales, tanto de la gasolinera como del propiu Centru Comercial. Lo que ya nun ye tan esperable, ye que toda una alministración pública ponga sus recursos humanos, políticos e inclusu patrimoniales al serviciu de los intereses particulares de una multinacional pa favorecela, llegando a extremos incomprensibles pa ello. Llegar a afirmar que, meyorar los accesos al Alcampo ye una cuestión de interés públicu, sitúanos ante una alministración que apuesta por priorizar los intereses particulares d’una empresa en detrimentu de los intereses xenerales, ya que esta confusión en nengún casu pue entendese que se produzca de forma inocente.
Nun se entiende que l‘equipu de gobiernu, enantes d’entanar a encargar informes a sus técnicos; primero el de la xurista de urbanismo, llueu el del arquitectu, ya que el de la xurista nun yos prestaba, (ponía excesivos impedimentos), nun fiziese lo más elemental, llamar a los dueños del Corredor del Nalón y comunicayos la intención de la Empresa, ye decir, llamar a la Dirección Xeneral de Carreteres de la Conseyería de Mediu Ambiente, Ordenación del territorii e Infraestructuras del Principau d’Asturies. Sobre too sabiendo que, en tou casu, l’informe de la Conseyería ye preceptivu y vinculante."

Suponen que: "de haber fecho tal consulta, la D.G.C. habríayos explicao, si ye que nun lo sabíen, cosa que duldamos, que el Corredor del Nalón ye un de los principales exes vertebradores de Asturies, que como tal, nel su diseñu inicial se contemplaron los enllaces con les poblaciones del valle, acordes coles instrucciones técniques pa esti tipu de carreteres que marquen les distancies mínimes entre enllaces. Habríen explicaoyos tamién que la Lley Xeneral de Carreteres d’Asturies clasifica les carreteres po les sus característiques técniques, de diseñu y funcionalidá, estableciendo nel su Art. 3. 4 lo siguiente: “Son corredores les carreteres d’una sola calzada y con llimitación total d’accesos dende les propiedades colindantes.” Pero además la Lley establez les condiciones pa autorizar nuevos accesos a carreteres. Así el Art. 34.5 recueye claramente que “Nun s’autorizará ningún accesu n’onde nun se cumplan les condiciones siguientes:

a) Que esté suficientemente justificada por el peticionario la imposibilidad de utilización de alguno de los accesos existentes o previstos próximos al solicitado.

b) No poder servirse de otra vía de distinta clase.

A la xente de la Semiente resultayos evidente que Alcampo nun s’encuentra en nenguna de estes dos situaciones. Debemos recordar que por aplicación de les normas técniques, esti aytu. y Carreteres rechazaron construir un enllace directu a Blimea, que los Polígonos del nuesu conceyu (Villar y La Florida) tamién pudieron enllazar directamente al corredor, teniendo que acceder a ellos por los enlaces existentes a través de El Serrallo y de Sotrondio. Que la distancia ente la salida que pretendese autorizar y el enllace de La Central ye mucha menor que los 1200 m. exixios na norma técnica. Que, además, la seguridá vial debe primar sobre los intereses comerciales de cualquier empresa, aunque ésta nomese Alcampo. N’esti sentíu ye conveniente precisar que n’esta zona ya hubo accidentes muy graves, siendo ésti un de los tramos onde se pue adelantar, colo que’l riesgu d’accidentes sería más elevau, si bien podríen prohibir los adelantamientos col consiguiente impactu sobre la fluidez de la circulación.

Respectu a lo que se refier a la Modificación del Plan Especial de Carrocera pa autorizar un nuevu vial por medio d’una simple Resolución de Alcaldía, La Semiente entiende que, tal fechu, sedría una illegalidá urbanística escandalosa, urdida por algunes mentes muy retorcíes y ciertamente interesaes, siendo esa forma de proceder más propia de rexímenes bananeros que d’una democracia, ya que lo único que buscaría sería actuar d’espaldes a la ciudadanía impidiendo la participación d’ésta na ordenación urbanística, tal como se recueye na legislación asturiana.
La Semiente considera que debíu a la importancia del asuntu, resulta democráticamente exixible el pronunciamientu claru y rotundu de tolos Grupos Municipales. La ciudadanía de Samartín tenemos el drechu a saber la posición, sin condicionantes, de cada cual, sin xuegos retóricos, de forma tan senciella como manifestar si se ta a favor o non d’esti accesu al Alcampo.