Ñaz l’espaciu comunista Aida de la Fuente

17 de marzu de 2014 DE 2014 • Glayiu

L’espaciu comunista Aida de la Fuente pretender ser un llugar d’alcuentru y espardimientu de toles lluches de la clase obrera, de la cultura revolucionaria y los valores comunistes. Ye por eso qu’entamamos esti espaciu, onde tendremos too tipu d’actividaes abiertes a la participación del públicu y que queremos construir ente toes/os.

Fai 80 años por estes mesmes feches la clase obrera asturiana daba exemplu al mundu y empezaba a texer llazos, forxando la unidá necesaria pa tomar el cielu por asaltu. A pesar del pasu del tiempu, l’alianza pola unidá del proletariáu asturianu y les clases populares sigue siendo tan necesaria güei como lo foi en 1934. Los continuos ataques que sufre’l pueblu trabayador asturianu deben de ser respondíos organizadamente coles mires de crear poder popular, baltar les sos reformes y conquistar, non solu derechos, sinón tol poder, pa poder a la fin ser llibres.

Tamién se van cumplir n’escasos meses 80 años d’una represión brutal que trató de extirpar de raigañu la insurrección proletaria. Asturies soportó bombardeos, matances, tortures y miles de prisioneros, pero nin toles sos bales, nin tol so odiu de clase pudieron parar la solidaridá d’un pueblu. Güei los que lluchen n’Asturies son tamién escorríos y reprimíos, gracies a una lexislación que cada vez s’amuesa más a les clares al serviciu de la clase dominante.

Dende Iniciativa Comunista d’Asturies, conscientes de la situación a la qu’enfrentamos, queremos contribuyir a difundirla llucha pola conquista del socialismu. La llucha pol socialismu, nun puede dase d’otra forma qu’en contactu cola clase obrera y el pueblu que llucha. Por eso entamamos el proyectu de la creación d’un espaciu comunista dientro del CSOA la Madreña, un referente dientro de la llucha contra la especulación inmobiliaria, que dende la combatividad plural consiguió autoxestionar un espaciu devolviéndo-ylo a los sos verdaderos propietarios: el pueblu trabayador.

El espaciu comunista Aida de la Fuente quier honrar tamién a toos aquellos cayíos lluchando per un mundu más xustu, onde los que producen decidan y l’aldu construyir xuntos. Queremos faer especial mención a la figura d’Aida de la Fuente, moza revolucionaria asturiana acribillada a balazos a manos d’un exércitu al serviciu de la clase dominante na revolución de 1934. L’exemplu de toles muyeres revolucionaries y n’especial d’Aida, tienen de sirvinos pa valorar xustamente la llucha de la muyer y entender la necesidá d’acabar colos dos cabeces del bichu, el patriarcáu y el capitalismu.

L’espaciu comunista Aida de la Fuente pretender ser un llugar d’alcuentru y espardimientu de toles lluches de la clase obrera, de la cultura revolucionaria y los valores comunistes. Ye por eso qu’entamamos esti espaciu, onde tendremos too tipu d’actividaes (cineforums, meses redondes, biblioteca marxista etc) abiertes a la participación del públicu y que queremos construir ente toes/os.

http://www.iniciativacomunista.org/