Navidaes negres

24 de avientu de 2012 DE 2012 • Glayiu

Per estes feches y nel actual marcu de conflictividá que sufre’l sector del carbón, rescatamos esti documental que reflexa los conflictos de la minería asturiana nes navidaes de 1991. Daquella y por cuenta de la negociación del plan de futuru d’HUNOSA zárrense nel pozu Barredo les cúpules sindicaleres d’UXT y CC.OO.

Fuera, los mineros en fuelga enfréntense a la Policía y Guardia Civil mientres dos selmanes, creando un auténticu frente de llucha na redoma del pozu Barredo, nel barriu mierense de Vega d’Arriba. Prodúcense auténticos combates, na mayoría d’ocasiones callaos pola prensa oficial. Finalmente ante la perda de protagonismu, les cúpules sindicaleres abandonen l’encierru y roblen un pactu qu’amenorga en 5 años la plantiya d’HUNOSA a la metá, y da orixe a les tan criticables prexubilaciones y al progresivu zarru d’esplotaciones mineres.