¡Naide en clase! 7 de payares, Uniovi en llucha

6 de payares de 2012 DE 2012 • Glayiu

“Contra el Wertazu”, mañana miércoles 7 de payares hai convocada una xornada de fuelga na Universidá d’Uviéu. Los recortes en beques universitaries, les subides nes tases académiques y la nueva llei xeneral d’Eduación (LOMCE) son les principales razones que llevaron al estudiantáu a convocar esti paru xeneral.

“Contra el Wertazu” ye la idea que convoca a los y les estudiantes de la Universidá d’Uviéu a facer mañana miércoles 7 de payares una xornada de fuelga. Los recortes en beques universitaries, les subides nes tases académiques y la nueva llei xeneral d’Eduación (LOMCE) son les principales razones que llevaron al estudiantáu a convocar esti paru xeneral.
Nesti videu producíu polos propios estudiantes de la Universidá d’Uviéu pueden vese y sentise les declaraciones más controvertíes del ministru d’Educación José Ignacio Wert, mentantu l’alumnáu universitariu asisten secuestraos y plasmaos a la batería de sentencies categóriques del cabezaleru d’Educación. Pela cueta, el superhéroe que defiende la enseñanza pública de calidá, Superpública, antroxáu con un traxe verde, ye quien planta batalla a les güestes de los recortes. La batalla va entamar.