Morala gana’l xuiciu a la Conseyería d’Industria

18 de xineru de 2013 DE 2013 • Glayiu

Un xulgáu d’Uviéu envaloró’l recursu de Juan Manuel Martínez Morala, representante de la CSI, y obliga a la Conseyería d’Industria a indemnizar al ex trabayador de Naval Xixón por incluyilu nel ERE de Nagisa magar formar parte del Comité d’Empresa. L’estelleru despidió darréu a Morala un día antes de les elecciones sindicales, con Graciano Torre al frente de la Conseyería d’Industria.

El fallu xudicial incide en qu’anque la empresa escastó’l contratu de Morala un día antes de les elecciones sindicales al Comité d’Empresa, conociendo l’aguada representantiva y sindical d’esti trabayador, polo que sería la principal responsable de la violación del derechu fundamental a la llibertá sindical.

Dende la CSI declaren que “nun ye la primer vegada qu’esto asocede. La illegalidá del zarru de Naval-Xixón y la vulneración de la lexislación llaboral en tou aquel procesu, yá quedó patente n’otres demandes interpuestes pola CSI, que dieron llugar a otres tantes indemnizaciones de 6.000, 15.000 y 30.000 €, respectivamente.”

Amás, dende’l sindicatu aseguren que “ye una artimaña bien usada pola patronal, despidir, regular y, a última hora, estremar de la plantiya n’activu a el trabayadores y trabayadores más lluchadores y combativos, pa desmantelar cualquier llucha sindical que pueda tener llugar na empresa.”