Mociones d’apoyu a la Querella Arxentina nos conceyos asturianos

26 de xunu de 2013 DE 2013 • Glayiu

Dende va tres meses, un grupu de ciudadanos y ciudadanes d’Asturies vien trabayando nel espardimientu y l’apoyu a la querella arxentina contra’l franquismu por delitos de xenocidiu y lesa humanidá. Esti xueves preséntense mociones d’apoyu a la querella nos conceyos de Mieres, L.lena y Ayer, ente otros.

El grupu asturianu d’apoyu a la querella arxentina como parte de la REDE AQUA, usen el so métodu de trabayu, la declaración institucional d’apoyu aprobada va poco nel Parllamentu vascu ye un bon exemplu. La Plataforma Vasca pa la Querella contra los Crímenes Franquistes vien trabayando dende va meses de manera xunitaria y plural colos grupos d’esti parllamentu de la que va axuntando mociones d’apoyu aprobaes en delles decenes d’Ayuntamientos y conceyos (San Sebastián, Vitoria, Guernica, Irún, Eibar y un etcétera bien llargu). Esti ye’l métodu y la llinia de trabayu que caltenemos n’Asturies.

Vienen reuniendose coles direcciones de la FSA y d’IX, averandose a dellos conceyos y falando colos sos grupos municipales. Como resultado d’esto, esti xueves 27 de xunetu preséntense mociones d’apoyu a la querella nos conceyos de Mieres, L.lena y Ayer, ente otros; nestos meses, más conceyos van sumase.

Dende’l grupu asturianu d’apoyu a la querella arxentina asegurán que siguiran recoyendo l’apoyu de les nueses instituciones a la querella y tamién el de tola ciudadanía cola recoyida de firmes d’adhesión.

El so plan de trabayu ta presentar la querella a tolos grupos de la Xunta Xeneral, cola mira de que s’apruebe una declaración institucional apoyándola. Y conviden a sumase a toles asociaciones que quieran participar nel grupu d’apoyu asturianu porque con esi enfotu d’axuntar fuercies nos constituyimos; anque la Plataforma pola Comisión de la Verdá creada va poco busca oxetivos asemeyaos a la querella, de momentu nun participa na REDE AQUA.