Miles de persones manifestáronse en defensa de la educación pública

20 de ochobre de 2012 DE 2012 • Glayiu

Padres y fíos manifestáronse ayeri n’Uviéu, en defensa de la escuela pública, dempués de tres díes de paru nos institutos asturianos.

Unes 3.000 persones caleyaron peles céntriques cais de la capital, baxo un constante orbayu. Lluéu de tres mañanes de clases vacíes nos centros públicos ya institutos, que secundaron la fuelga percima del 90%, la movilización en defensa de la enseñanza pública ocupó la capital asturiana.

Unes 3000 persones caleyaron poles centriques cais de la capital, baxo un constante orbayu. Dempués de tres mañanes de clases vacíes nos centros públicos ya institutos, que secundaron la fuelga percima del 90%.

Mientres la manifestación d’ayeri, dalgunos de los eslóganes coriaos y delles pancartes dicíen coses cómo «Educación pública, laica, gratuita y calidad», «No pagar la deuda con nuestra educación», «La educación nun se vende, se defiende», «Con Mariano recortando, imposible seguir estudiando», «¡A correr, a correr, que viene Wert!», «El dineru del banqueru, pal fíu del obreru», «Wertgüenza», «Menos "maderos" y más lapiceros», «si no hay solución, habrá revolución».

La manifestación foi sofitada por asociaciones de padres y alumnos, sindicatos, partíos políticos y distintes organizaciones sociales, salío dende la estación del Norte de RENFE, p’acabar cola llectura del manifiestu na Plaza Escandalera. Onde aportunaron en siguir coles protestes, y qué la xente siga participando nes movilizaciones, y yá convocaron pal Xueves 25 una concentración delantre los centros a la hora del recréu y pal vienres 26 concentración na plaza escandalera d’Uviéu. El sindicatu CXT manifiestó que s’opón frontalmente a la política de recortes nos servicios públicos en xeneral y na educación en particular, pues "nin fueron la causa de la crisis económica nin, desde lluéu, va salise d’esta col desaniciu y privatización de la educación pública. El braeru problema del nuestro país ye la deuda privada -especialmente la de les entidaes financieres- y non la pública. Poro, los brutales recortes en servicios públicos esenciales que s’entamaron en 2010
constituyen un tresvase escomanáu de renta pública a renta privada, precisamente a la de quienes prevocaron la crisis".

Non a los retayos, non a la fin de les beques de comedor y de los llibros. Non al desmantelamientu de la enseñanza pública