Maratón 30 años de Radio Qk

3 de xunetu de 2013 DE 2013 • Glayiu

Si el pasáu fin de selmana la xente de la emisora llibre uvieína Radiu QK cellebraba’l so 30 aniversariu a ritmu de ska cola mítica banda Potato, esti fin de selmana 5, 6 y 7 de xunetu tienen preparáu un maratón de 48 hores de programes en directu, baxo la idega de "La llibertá frente a la propiedá". Nun escaezáis sentilo en Radio QK o nel 107.3 de FM

Siguiendo coles actividaes nesta frenética cellebración del so 30 aniversariu esta ocasión ye la vez del maratón con 48 hores de programación en direutu dende’l vienres a les 10 de la nueche hasta les 10 de la nueche del domingu.

El tema central sobre’l que van tratar los programes, cada unu a la so manera y col so correspondiente estilu, van ser los 30 años de la QK y la llibertá percima de la propiedá, que dende la radio consideren "un planteamientu inherente a la esistencia d’esta radio".

Dede la radio animen y conviden a que se participe con ellxs d’estes 48 hores en directu, poniendo a disposición la radio por si daquién anímase a acompañar a la so llocutora favorita, un teléfonu pa entrar en directu (985 29 81 37), y en tou momentu van tener activu’l twitter (radioqk) y el chat de la so páxina web.

Na web de la radio tenéis el calendariu provisional d’horarios y programes pa que vaigáis acutando hores.