Manifestación contra’l Racismu n’Uviéu

19 de avientu de 2013 DE 2013 • Glayiu

La Ruta Asturiana contra’l Racismu y la Represión convoca una manifestación pa esti sábadu 21 d’avientu a les 6 de la tarde, con salida dende la céntrica cai uviéina 9 de Mayu. Amuesa la to oposición a les redaes racistes, la repulsa a los CIE y contra los escandalosos vuelos de deportación. ¿Y si te pudiera tocar a ti?

La nueche del 2 al 3 d’avientu Alik, inmigrante armeniu, morrió nel Centru d’Internamientu de Zona Franca (Barcelona). La versión policial fala de suicidiu, pero trenta internos del CIE pusieronse en fuelga de fame a otru día pa desmentir dicha versión. Alik pasa a engrosar la llista de persones muertes nos CIE.

El día 3 d’avientu salió de Baraxes un vuelu de deportación, fletáu pol gobiernu español al traviés d’un ensundiosu alcuerdu económicu con Air Europa: decenes d’inmigrantes d’orixe nixerianu fueron espulsaos esi día al so país. El día 11, la selmana pasada, cien persones más fueron deportaes n’otru d’estos vuelos, esta vegada con destín Ecuador y Colombia.

Les redaes racistes pa enllenar estos vuelos y pa caltener ocupaes les celdes de los CIE tán a la orde del día. En Asturies, unu de los llugares con menos inmigración del Estáu español, hai redaes nes estaciones de tren y autobuses, nos parques, a la puerta de los llocutorios y de les asociaciones... El delegáu de Gobiernu, Gabino de Lorenzo, instauró inclusive la práctica de llamar a les persones migrantes a la Oficina d’Extranxería, cola escusa de cualquier trámite, p’aprovechar la so presencia pa deteneles, zarrales y deportales.

Xueces como Francisco Javier Rodríguez Llongos y Begoña Fernández son especialmente implacables y conviértense en engranaje necesariu del sistema d’internamientos y deportaciones. Paez que la contundencia de los informes que detallen les vulneraciones sistemátiques de derechos humanos tantu nos CIE como nes deportaciones nun son de la incumbencia de dichos xueces y juezas.

La Ruta contra’l racismu y la represión, coordinación asturiana enserta de la mesma na Campaña estatal contra los CIE, quier faer propies les conclusiones aprobaes nel Alcuentru estatal que s’acaba de celebrar en Madrid

{{MANIFESTAMOS}}:

- La nuesa oposición a les redaes racistes y la nuesa voluntá colectiva de siguir denunciándoles y combatiéndoles.

- La nuesa radical repulsa a los CIE y la nuesa firmeza na visibilización y denuncia de lo que nellos asocede, hasta'l so zarru definitivu.

- La nuesa llucha contra los escandalosos vuelos de deportación por aciu l'impulsu d'una campaña estatal contra empreses que, como Air Europa, se lucran por aciu diches deportaciones.

- La nuesa denuncia de la criminalización de les persones migrantes y de les lluches sociales antirracistas

{{¿Y SI TE PUDIERA TOCAR A TI?

NIN REDAES, NIN CIEs, NIN DEPORTACIONES}}