Lxs trabayadorxs de Suzuki vuelven a la fuelga

8 de xineru de 2013 DE 2013 • Glayiu

La plantiya de Suzuki, que se manifestó güei dende’l Molinón hasta la Casa Conceyu, aprobó volver a la fuelga hasta’l día 18, con una hora solo de trabayu al día, en protesta pola actitú de la empresa, que se niega a axustar les condiciones d’indemnización de lxs trabajadorxs, una vegada anunciáu’l zarru pal próximu 31 de marzu. "Si llevaron el dineru d’equí cuando había beneficios, agora tendríen de devolvelo", diz el comité d’empresa.

La inmensa mayoría de el trabayadores perdieron yá les prestaciones o yos queden bien pocu por cuenta de los ERE acumulaos. Nesti casu, la última ufierta presentada pol Comité d’Empresa foi de 45 díes per añu trabayáu y 42 mensualidaes, según 18.000 euros d’indemnización, ente que la multinacional nun da más de 40 díes per añu trabayáu y 37 mensuales, con indemnizaciones ente 7.000 y 3.000 euros, y en dellos casos 45 díes y 42 mensualidaes.

La responsable del Comité de Empresa María Jesús Calvo, en distintes declaraciones a la prensa, repitió l’actitú de mala fe de la empresa, a la qu’achacó intentar cansar a lxs trabayadorxs y estremalos con ufiertes distintes. Aprofió que se trata d’una gran multinacional y reprochó que si se llevaron el dineru d’equí cuando había beneficios, agora tendríen de devolvelo. Y fai incapie en que lo que la multinacional busca ye allongar el tiempu hasta la fecha del zarru por una cuestión financiera y fiscal hasta marzu. "Lxs trabayadorxs tán absolutamente fartxs", resaltó, antes d’añedir que si nun precisen la producción, entós por qué nun cerraron n’avientu y asina se recuperaren 180 díes de les prestaciones agotaes mientres l’ERE.