Lxs paraxs del Nalón mantienen su manifestación

27 de xunu de 2013 DE 2013 • Glayiu

Pese a la illegalización, l’Asamblea de Defensa de los Paraos del Valle del Nalón (Adepavan) va entamar la manifestación en protesta polos retayos. La movilización será’l sábadu a les siete la tarde dende l’Ayuntamientu de Sama. Coincide col día grande de les Fiestes felguerinas de San Pedro.

El Gobiernu llocal y la Delegación de Gobiernu niegense a que la protesta concluya nel parque Dolores F. Duru, alegando que puede haber problemes al coincidir coles fiestes de San Pedro. Dende Adepavan tachan de baxa calidá democratica l’actitú del consistoriu y nun entienden el refugu del Ayuntamientu cuando nel so día, coincidiendo coles fiestes o col día de mercáu, yá acabaron nel parque una marcha del arguyu gai y una manifestación de Alas Aluminium.

«Vamos Salir del Ayuntamientu de Sama y vamos dir hasta onde nos lo dexen ensin suponer un problema d’orde públicu» indiquen los responsables del movimientu de paraos. Y faen un llamamientu a los cerca de 9.200 paraos de la comarca del Nalón por que secunden esta manifestación, baxo’l lema ’"Lo queremos todo: pensiones, salario social, renta básica, vivienda, sanidad, educación, empleo estable y con derechos"

Vidiu de la convocatoria:

Vidiu de la rueda de prensa fechu polxs compas de InfoAsturies

DOCUMENTOS