Los intosicaos por mercuriu abandonen la fuelga de fame

21 de payares de 2013 DE 2013 • Glayiu

Los cinco trabayadores intosicáos de mercuriu nun accidente n’AZSA dejaron güei la fuelga de fame que llevaben dende va trece díes. Los trabayadores afiten l’enfotu de continuar cola llucha hasta que se materialicen les sos reivindicaciones, nun descartando tornar a la fuelga de fame en casu de que nun se materialicen los alcuerdos.

Los Cinco trabayaores en fuelga de fame dende’l pasáu día 8, llevantaron el campamentu dispuestu nes puertes de la empresa Asturiana de Cinc (Azsa), en que les sos instalaciones sufrieron una intoxicación por mercuriu mientres realizaben llabores de rehabilitación en dos intercambiadores de la planta de tostación.
Los trabayadores tomaben esta decisión una vegada qu’Asturiana de Cinc aportó a reconocer la enfermedá profesional pa los intosicaos. La empresa comprometióse tamién a desbloquiar el recargu de les prestaciones d’un 50% al que-yos condergara l’inspector de trabayu.

Los trabayaores manden un menxase de agradecimientu poles redes sociales, "Agora precisamos folgar... gracies a todxs lxs que nos distis sofitu n’estos díes tan duros" y continuen coles movilizaciones y cola campaña de recoyida de firmes.