Los trabayadores de Tenneco corten el tráficu en Xixón

12 de avientu de 2013 DE 2013 • Glayiu

Los trabayadores de Tennneco Xixón retomaron ayeri les movilizaciones contra’l zarru de la fábrica d’amortiguadores y l’espediente de regulación d’empléu sobre la totalidá de la plantiya. La protesta desenvolviose a les puertes de fabrica, y los obreros cortaron el tráficu na avenida d’Uviéu que conecta cola capital del Principáu.

Dende’l comité d’Empresa encamentaron a los trabayadores a nun aceptar nengún despidu individual nin nenguna ufierta d’indemnizaciones y que sía la Xusticia la que determine sobre’l zarru de la factoría.

Tamién a primer hora de la mañana, cientos de persones concentráronse ante’l Palaciu de Xusticia en sofitu de Samuel Fernández, trabayador de la empresa Tenneco Automotive (Monroe) y Secretariu Xeneral de la CSI, que declaró ante’l Xulgáu d’Instrucción 5 de Xixón pola supuesta retirada de cámares de seguridá allugaes dientro de la fábrica.