Los despidíos de Parques y xardinos d’Uviéu serán readmitíos

3 de xineru de 2013 DE 2013 • Glayiu

Los seis trabayadores despidíos de la UTE Absa-Perica que llevaben acampaos dende’l 23 de payares nel céntricu campu San Francisco en señal de protesta, llegaron güei a un alcuerdu y serán readmitidos, según desplicaron esta mañana en rueda de prensa. Absa-Perica ye una contrata dependiente de FCC encargada del caltenimientu de los parques y xardinos n’Uviéu.

La empresa dende el principiu taba negada a negociar, y gracies a la presión de los acampaos y el sofitu de tolxs compañerxs, consiguieron que los grupos políticos municipales mediaran por que se algamara esti alcuerdu, nel que tolxs trabayadorxs, non yá los despidíos, báxense’l plus de peligrosidá más d’un 50% y acepten estremar les vacaciones ente’l branu y l’iviernu.

Los trabayadores recibieron la noticia emocionaos y estimaron el sofitu de compañeros y de la ciudadanía uviéina pola que se sintieron sofitaos en tou momentu.