Localidades agotadas. El poder subversivu de la contracultura

Arranca la III Edición del festival de cultura alternativa na capital asturiana

27 de xunu de 2013 DE 2013 • Glayiu

Mos preste o non, l’Ayuntamientu de Xixón históricamente venía dexando facer a quienes tienen iniciatives culturales diferentes: FICXixón o Laboral son exemplos de proyectos culturales vanguardistes y de calidá con financiación pública. Pero, ¿qué-yos queda a quienes viven nel reinu de la zarzuela y el teatru costumbrista? Uviéu tien una estimulante escena alternativa porque un Ayuntamientu escleróticu desoye les demandes de sofitu institucional a la creación artística. ¿La financiación pública lleva necesariamente al comederu? ¿Cultura underground por voluntá o por necesidá? Falamos colos promotores del Festival Localidades agotadas d’Uviéu pa que mos cuenten cómo entienden ellos la producción cultural.
Hasta el domingu que vien, día 30, podéis disfrutar de les sorprendentes actuaciones d’esti tercer añu de certamen contracultural, el más internacional de tolos cellebraos hasta agora.

Diego Díaz ye’l perexil de toles salses. Doctorando d’Historia, promotor de Diagonal Asturies, columnista de Glayíu y miembru activu del CSOA La Madreña, tamién ta enllordiáu nesti Festival de cultura urbano. Juan Pastor ye profesor de Psicoloxía na Universidá d’Uviéu y ún de los promotores del fanzinu underground Lata de Zinc. Tamién contribuye al alderique políticu con collaboraciones en Glayíu.

¿Cómo ye que nun recurrís a financiación institucional pa entamar el vuestru proyectu?

JPEG - 15.7 KB

DD: Dende l’asociación SOS Cultura d’Uviéu llevábemos tiempu reclamando tresparancia, participación ciudadana y criterios claros pa organizar la vida cultural d’Uviéu. Un día sal na prensa que l’Ayuntamientu pensaba danos 50.000€ pa organizar el Festival. Asina, pola cara. Eso ayudónos a siguir apostando pola financiación propia.
JP: Por paradóxico que parezca, dende hai munchos años col fanzinu Lata de Zinc y dende hai unos cuantos cola asociación SOS Cultura teníemos claro que habíamos reivindicar l’apuesta pol sofitu públicu al tiempu que pretendíemos reforzar l’autoxestión underground pa demostrar que’l dineru (o la falta d’él) nun ye la escusa.
DD: Nun ye que teamos en contra de les subvenciones, pero pal tipu de festival que tábemos pensando, decidimos que queríamos recuperar la gorra como forma de financiación, pasándola al final de cada espectáculo como forma d’autofinanciación. Hai que decatase que tolos artistes vienen pola cara, ¿eh? Tamién cuntamos col apoyu de los bares, que vienen siendo la resistencia cultural dende hai años na ciudá d’Uviéu.

JPEG - 43.3 KB

¿Qué vamos ver nesta tercera edición de Localidades Agotadas?

DD: Veremos coses inhabituales na programación cultural de cualquier ciudá: no musical apostamos pol folk más anglosaxón, con influencies de la música asturiana nel casu de Pablo und destruktion, o de la portuguesa con Joanna Guerra. Tamién esperimentación electrónica o variaciones de clásicos del rock and roll. Una gran novedá que tendremos nesta edición ye la música infantil cola que pretendemos siguir formando nuevos públicos, que los guajes s’acostumbren a escuchar música diferente. Esti años va haber música, teatro de cai y danza, too pa les rapacines y los rapacinos.
JP: El vienres, el primer día del Festival, lo petamos cola danza. El sábadu tuvimos un día repletu con cuatro espectáculos, y el domingu tamién foi un ésitu con Petit Pop pa los más pequeños y l’actuación de El Pimiento Teatro pa los mayorinos. Cada espectáculu tien una cantidá de públicu variable, pola orientación de la obra y l’horariu nel que ta programada, pero sí que podemos dicir que ta siendo un ésitu completu.

¿Si tuvierais en Xixón taríes trabayando pa la Conceyalía de Cultura o siguiríeis nel llau underground?

JPEG - 18.2 KB

DD: N’Uviéu carecíamos dafechu de referentes pa organizar cuestiones d’esti tipo. Nuna ciudá normal vas al Ayuntamientu, presentes un proyectu y solicites una subvención. Pero equí carecíamos d’esa posibilidá. Asina que tiramos de lo que conocíemos: de la esperiencia del 15M y de la autoxestión. N’Uviéu la xente perdió hasta’l vezu de dir al teatro, en cambio en Xixón sigue habiendo una cultura de teatru enorme, de dir a conciertos, qu’agora parece tar sufriendo la llegada de Foro al Ayuntamientu. Pela cueta, el fechu de que siempre te lo dea fechu l’Ayuntamientu contribuye a que t’acomodes y quedes pasivu esperando lo que te plantee lo institucional. Agora, en cambio, tamién hai organización cultural alternativa con coses tan estimulantes como la Caja de músicos o la Bustadiella.
JP: Nun ye que teamos escontra la subvención pública pa la escena cultural d’una ciudá. Pero pa que la haya tienen que dase unes condiciones propicies, de calidá, tresparencia y participación ciudadana pa que haya un apoyu real a la escena cultural. Nós tamos satisfechísimos con cómo ta saliendo hasta agora esti Festival en términos de calidá de los espectáculos y rempuesta de la xente a una propuesta alternativa fecha colos mínimos medios.

JPEG - 43.4 KB

DD: Lo underground ta corriendo un seriu peligru: el rojerío ta quedándose ensin peña moza: la peña xoven ta pirándose, que son los que pueden montar grupos de música, de teatro. Pero ye la xente que ta pirándose n’acabando los estudios o incluso enantes. Lo demográfico tamién afecta a lo cultural, y les noticies apunten a que va siguir acentuándose. Faemino y Cansado surden de la xeneración que nacieron nos sesenta, pero los que vienen detras, setenta y ochenta, ye un grupu social tovía más amenorgáu, yá me dirás tu cómo podemos organizar vida cultural con eso.

DOCUMENTOS