Lluéu de Radio Kras, agora van a por Radio Qk

AGEDI-AIE reclamen miles d’euros a la radio llibre carbayona

22 de marzu de 2013 DE 2013 • Glayiu

AGEDI-AIE traten d’amargar a Radio Qk el so treinta aniversariu. Como ocurriera la selmana pasada con Radio Kras, estes entidaes de xestión de derechos d’autor presentaron una reclamación de miles d’euros a la radio llibre uvieína por programar música rexistrada, magar el calter non comercial de la Qk.

Si la selmana pasada conocíemos les demandes que SGAE y AGEDI-AIE presentaben escontra la radio llibre xixonesa Kras, esta vegada les entidaes de xestión de derechos d’autor picaben a la puerta de Radio Qk.
Nel casu de Kras, la SGAE retiró la so demanda y abrió una canal de comunicación lluéu de que Xabel Vegas, músicu xixonés, publicara una carta abierta na so columna del diariu Público na que instaba a Antón Reixa, presidente de la SGAE, a mover ficha ante l’atropellu que sufría la emisora llibre asturiana. Reixa garró’l guante y entamó una vía de diálogu con Kras.
Radio Qk emitió güei un comunicadín ante la reclamación de AGEDI-AIE:

Las agrupaciones filo-mafiosas autoproclamadas representantes de los artistas,
intérpretes y ejecutantes denominadas AIE y AGEDI continúan con su ataque a la
libertad de expresión. Después de demandar a nuestra emisora hermana Radio Kras,
ahora van a por Radio QK, nos reclaman judicialmente 12552,88€ o, en caso de que
demostremos no tener ánimo de lucro, no emitir publicidad, y no recibir subvenciones
(nos corresponde a nosotros dar pruebas de lo que llevamos tres décadas haciendo), se
conforman con 3768.97€.

NO LO VAN A CONSEGUIR