Lluches contra’l tren d’alta velocidá nel País Vascu

13 de febreru de 2013 DE 2013 • Glayiu

Activistes del movimientu escontra’l tren d’alta velocidá nel País Vascu, Mugitu! Mugimendua (M!M), van tar n’Asturies charrando sobre la llucha contra’l TAV y faciendo un llamamientu a la solidaridá, yá que s’enfrenten a penes de 4 a 9 años de prisión pola simbólica acción d’aventa-y una tarta a la presidenta de la Comunidá Foral de Navarra Yolanda Barcina, en Toulouse, Francia.

Mugitu! Mugimendua (M!M), ye un movimientu de desobediencia civil en llucha contra’l TAV, que surde en mayu de 2010, dientro d’un periodu d’alderique na oposición al TAV nel País Vascu, onde’l movimientu antiTAV apiguró a munches persones y distintos colectivos nos casi 20 años de llucha. M!M créase coles mires d’impulsar la desobediencia civil na llucha contra’l TAV por aciu acciones públiques, non violentes y asumiendo la responsabilidá de les mesmes.

Hasta la fecha, M!M realizó un gran númberu d’acciones y campañes, pero posiblemente l’acción que más impactu social y mediáticu causó ye la interrupción del 29. Conseyu Plenariu de la CTP (Comunidá de Trabayu de los Pirineos) en Toulouse el 27 d’ochobre de 2011, cuando un grupu d’activistes ataya la sesión p’amosar el so refugu con glayíos y cartelos, al empar que dan 3 tartazos na cara a la presidenta de la Comunidá Foral de Navarra Yolanda Barcina. Por esta simbólica acción, enfrentanse a penes de 4 a 9 años de prisión, por eso dende (M!M) tán faciendo un llamamientu a la solidaridá frente a esti nuevu casu de tratar de criminalizar la llucha contra’l TAV.

Los compañeros de Mugitu! Mugimendua (M!M) van tar el próximu vienres 15 de y sábadu 16 nos locales Sestaferia y Cambalache respectivamente, presentando’l dossier "Llamamientu a la solidaridá". Que puede descargase en castellán dende equí: https://www.box.com/s/ehg09hha09ib2jx5lfl8