La Xunta Xeneral abre les sos puertes pa pesllar les nueses boques

11 de avientu de 2013 DE 2013 • Glayiu

Dende la plataforma AsturiesEnMarcha22M denuncien el tratu recibíu el pasáu vienres 6 d’avientu nel interior de la Xunta del Principáu. "Aprovechando la xornada de puertes abiertes quixímos llevar al hemiciclu onde de normal solo falen los políticos denunciar sobre’l pagu de la delda a cuenta de los nuesos derechos."

Integrantes de la plataforma Asturies en Marcha esplegaron na mañana del 6 d’avientu una pancarta nel hemiciclu de la Xunta Xeneral del Principáu col lema ’Partamos el botín, pero non la delda’, mientres la xornada de puertes abiertes con motivu del día de la Constitución.

"Como ciudadanos y persones trabayadores que somos, quixímos visibilizar aprovechando que se nos daba la oportunidá pa ello, que’l pagu de la delda podría traer hasta la puya de los cuadros qu’afaten la Xunta.

Ensin mediar palabra, poniendo en riesgu inclusive la seguridá de los neños y neñes ellí presentes, fuimos afrellaos pola policía y darréu identificaos. Desallugaos violentamente del centru del poder políticu asturianu. Toa una paradoxa’l día que se conmemora l’aniversariu de la Constitución española que los nuesos representantes tendríen d’esplicar."

DOCUMENTOS