La "huerta ecológica asturiana" llega a La Semiente

29 de xineru de 2014 DE 2014 • Glayiu

Tras presentar el llibru en Sestaferia, L’Arcu la Vieya y Cambalache, esti xueves 30 de xineru, l’autora del llibru Sara Vila Díez va tar presente pa falanos de tol trabayu de campu que realizó y de tolos detalles qu’atañen a la güerta tradiconal asturiana. Acomapañada del prologuista del llibru y esperto na materia agroalimentaria, Rizos.

Xueves día 30, a les 20.00h en La Semiente

La güerta ecolóxica asturiana ye un manual básicu pa empecipiar nel llabor agrícola. Plantegáu d’una manera pedagóxico y senciello, métenos nes maneres tradicionales coles que se trabaya la tierra n’Asturies, los sos principales cultivos, los abonos y pesticides naturales, y los rudimentos pa consiguir una pequena producción autosuficiente.

Frutu d’un intensu trabayu de campu, el testu compleméntase amás con esplicaciones y tradiciones orales recoyíes ente los nuesos mayores, testimoniu vivu d’un pasáu qu’aspira a revitalizase nel nuesu presente.

El centru Social La Semiente ta asitiáu na cai Eladio Garcia Jove de L’Entregu y l’entrada como simpre ye pública y gratuita. Amás el centru dispon d’una biblioteca pública propia del centru onde tamién puen atopase otres publicaciones realcionaes cola materia.

FICHA TÉCNICA:
La huerta ecológica asturiana.
Sara Vila Díez
Prólogu de Alberto Fernández Buznego, Rizos
ISBN 978-84-616-4960-6
196 páxines
12x16,5 cm
Edición rústica con solapes
PVP 8,95€
Llicencia Copyleft (Creative commons 2.0)