’Inxustificable adxudicación a deu’ de los informativos de RTPA

7 de abril de 2013 DE 2013 • Glayiu

La reciente adxudicación de los servicios informativos municipales de TPA a la empresa madrilana VAV Compañía de Producciones espertó’l rechazu de fuerces polítiques bien estremaes. D’Andecha Astur a Foro refugaron dafechu tala adxudicación, dotada con una partida presupuestaria de 745.000€.

Los representantes de Foro nel conseyu d’alminstración del ente públicu achaquen "al sistema esbilláu nel so día por PSOE y PP pa facer de les adxudicaciones un repartu de favores" el fechu de que los servición d’información municipal vayan a la empresa VAV Comunicación, afitada en Madrid. Los representantes de Foro dexaron abierta la posibilidad de recurir la concesión, puesto que’l so partíu refuga la esternalización de los servicios informativos públicos: "la información d’un serviciu públicu como los informativos de la TPA nun puede tar controlada por una empresa esterna. La propia plantiya ta capacitada pa facer esi trabayu con profesionalidad ya independencia".

Andecha Astur argumenta que "la subcontratación de los servicios d’información llocal de la RTPA en bloque a una empresa madrilana, por un presupuestu inferior en menos d’un ún por cientu respeutu a l’alternativa asturiana más prósima económicamente, y ensin tener en cuenta la llingua nin la cultura asturiana, nin ensiquier daqué tan básico comu la conocencia del mediu y la vinculación del territoriu, aspeutos toos ellos esenciales a la hora rializar l’actividá contratada, supón un amenorgamientu de la calidá del serviciu y un mecanismu inxustificable pa favorecer les candidatures
foriates frente a les nacionales".
"Si yá la RTPA incumplía sistemáticamente coles sos obligaes funciones de
dignificación y espardimientu de la llingua y cultura asturiana, cuyu tratu
ye anguañu llamentable, cola alxudicación a una empresa madrilana de la
información llocal, tamién incumple sos sos funciones de potenciación de la
industria audio-visual asturiana y de los profesionales de los medios de
comunicación asturianos, empeorando entá más si ye posible les espeutatives
llaborales de los profesionales d’estos medios y les industries ausiliares
de los mesmos, desviando un capital a Madrid qu’agora mesmo resulta
indispensable p’Asturies", dicen dende la formación nacionaliega.