Indignación tres la muerte d’un trabayador nos estelleros d’Armón

30 de mayu de 2014 DE 2014 • Glayiu

El trabayadores d’Armón salen a la cai col respaldu de miles de persones pa esixir más seguridá y caltienen la fuelga nel estelleru poles condiciones de seguridá, que consideren «precaries» y reclamar «la solución de los defectos»

La desgracia asocedió na tarde del pasáu vienres 23 cuando’l trabayador de 29 años atopabase nel so puestu de trabayu, realizando llabores de soldadura nes instalaciones que l’estelleru Armón tien en Xixón. Nun ye la primer vegada que se produz un accidente mortal na factoría desque retomó l’actividá, en xunetu del añu pasáu morrió un buzu cuando s’atopaba llimpiando los fondos del dique pa facilitar la botadura de los barcos.

Los trabayadores dicen qu’hasta que nun s’actualicen les midíes de seguridá nun van volver al trabayu pa protestar polo que consideren falta de midíes de seguridá, al considerar que’l fallecimientu del compañeru debese a una neglixencia achacable a la empresa.