Escrache feminista, contra la prohibición del albuertu

20 de mayu de 2013 DE 2013 • Glayiu

El pasáu xueves 16 de mayu cellebrábase delantre de la sé del Partíu Popular d’Uviéu un escrache feminista. Baxo’l llema "Nosotres parimos nosotres decidimos, l’Estáu garantiza, la sociedá respeta, la ilesia nun se mete". Les feministes trataben asina de visibilizar el descontentu popular que produz la nueva llexislación. qu’apuesta pola prohibición del albuertu.

JPEG - 53.4 KB

Más d’un centenar de persones, glayando a favor del albuertu y una gran pancarta na que podía lleese: "118.359 muyeres nun son invisibles. Non a la llei del albuertu", concentráronse ante la see del PP d’Asturies, n’Uviéu, p’amosar el so refugu a la posibilidá de que’l Gobiernu llinde l’albuertu llibre y gratuito cola reforma de la llei propuesta pol ministru Alberto Ruiz Gallardón.

Los glayíos más coriaos yeren “Nós parimos, nós decidimos” o “fuera los rosarios de los nuesos ovarios”.

La protesta foi convocada a nivel estatal en más de 15 ciudaes por distintes organizaciones pa "faer visible’l descontentu popular de la mayoría de la sociedá que s’opón a la prohibición del albuertu". N’Uviéu trescurrió de manera pacífica ante una fuerte presencia de policías antidisturbios, cada vez más presentes en cualquier tipu de protesta y de reivindicación.

Non tuvieron la mesma suerte en Madrid, onde el escrache feminista dempués de concentrase ante la see del PP de Genova treslladose hasta la casa del ministru de Xusticia, Alberto Ruiz Gallardón, y acabó con tres detenciones, agarradielles y dellos momentos de tensión.

Video concentración de Madrid:

DOCUMENTOS