Entrega de los XVIII Premios Andrés Solar

16 de avientu de 2012 DE 2012 • Glayiu

Ayeri sábadu 15 d’Avientu, más de un centenar de persones asistió a la entrega de los XVIII Premios Andrés Solar qu’entamó la Xunta pola Defensa de la llingua asturiana, como vien siendo vezu nel Antiguu Institutu de Xixón. La formación musical Dixebra y la Editorial Trabe fueron los galardonados col Pegoyu pol so llabor incansable y pol so apueste decidíu pola música y lliteratura a lo llargo de bien d’años. El "Madreñazu purpurina", premiu negativu, foi pa los recortes n’Educación y la llei Wert

Ayeri sábadu 15 d’Avientu, más de un centenar de persones asistió a la entrega de los XVIII Premios Andrés Solar qu’entamó la Xunta pola Defensa de la llingua asturiana, como vien siendo vezu nel Antiguu Institutu de Xixón. La formación musical Dixebra y la Editorial Trabe fueron los galardonados pol so llabor incansable y pol so apueste decidíu pola música y lliteratura a lo llargo de bien d’años, demostrando que l’asturianu ye una ferramienta útil y necesaria nel rellatu de la contemporaneidá d’Asturies. El "Madreñazu purpurina", versión negativa del premiu, que reconoz a la/es persona/es o entidá/es que rescamplaren pol so llabor negativu pa cola llingua asturiana, llevaronselo los recortes en materia llingüística y la “llei Wert”.

Los Premios Andrés Solar creólos la Xunta pola Defensa de la Llingua Asturiana nel 1985 n’alcordanza del escritor xixonés y miembru de la organización Andrés Manuel Solar Santurio, fallecíu n’accidente de tráficu en 1984. Esti añu como toos dende su creación, la familia d’Andrés Solar participó na entrega de premios,

Esther Prieto y Samuel garraron el premiu de parte d’Ediciones Trabe, y Xune Elipe y Llorián ficieron lo propio por Dixebra. El dj y productor musical avilesinu Dani Stylo encargóse de l’ambientación musical, con una esbilla remezclada de cantares de Dixebra.

DOCUMENTOS