El TSXA declara nulu l’ERE de SEDES

24 de xunu de 2014 DE 2014 • Glayiu

El Tribunal Cimeru de Xusticia d’Asturies (TSXA) declaró nulu’l despidu colectivu de 38 de los 59 emplegaos de la constructora Sedes -participada nun 60% pol Gobiernu asturianu y un 40% Cajastur- y reconoz que tienen derechu a reincorporase a los sos puestos de trabayu.

El Tribunal Cimeru de Xusticia d’Asturies (TSXA) señala que la empresa "frayó la bona fe" y foi "maliciosa". La sentencia supón un importante triunfu pa una plantiya en constante llucha nos caberos años.