El rei abdica

2 de xunu de 2014 DE 2014 • Glayiu

Rajoy fizo l’anunciu oficial güei llunes pola mañana en Moncloa. Poles redes sociales la noticia cuerre como la polvora y la xente empieza a reclamar un referéndum venceyante pa decidir si quier república o monarquía. Dende los movimientos sociales convoquen concentraciones a les 20:00h n’Uviéu, Xixón, Avilés, Llangréu, Siero, Llaviana, Pravia...

El rei abdica. Asina lo anunció güei el presidente del Gobiernu, Mariano Rajoy, que convocó d’urxencia a la prensa pa informar de la histórica noticia. Juan Carlos dexa’l tronu y la xefatura del Estáu al so fíu. Pela so parte la prensa burguesa y conservadora empieza a combayar la "figura histórica y el trabayu" del monarca. Gran parte de la sociedá afirma qu’ante l’arrenunciu del rei ye’l momentu d’empecipiar procesu constituyente. Que la ciudadanía decida’l modelu d’Estáu que quier.

En décades nun se va tener una oportunidá como ésta.
El réxime del 78 fai agües per toos llaos. Ye’l momentu de que los
pueblos decidan el so futuru, ye’l momentu que la ciudadanía decida’l so
futuru y ye el momentu de que el trabayadores y trabayadores decidamos
el nuesu futuru. Empecipiemos dende embaxo l’apertura del procesu constituyente, dende’l empoderamiento del pueblu, siempres soberanu, digamos
non a la monarquía, queremos decidir.

CONCENTRACIONES 20HRS:
Uviéu: Pza. escandalera
Xixón: Plaza del Ayuntamientu
Avilés: Plaza del Ayuntamientu
Llangréu: Plaza del Ayuntamientu
Mieres: Plaza del Ayuntamientu
Siero: Plaza del Ayuntamientu
Llaviana: Plaza del Ayuntamientu
Pravia: Plaza del Ayuntamientu

#FelipeNoSeráRey
#ReferéndumYa