El 23-F devolvamos el golpe

21 de febreru de 2013 DE 2013 • Glayiu

El 23 de Febreru ta convocada una manifestación n’Uviéu escontra’l "Golpe d’Estáu financieru" con salida a les seis de la tarde de la Plaza América. Un llamamientu pola confluencia y xuntanza de les principales fuercies sociales: marees en defensa del seutor públicu, movimientos asamblearios, centros sociales, comités d’empreses en conflictu, activistes sindicales de clase, estudiantes, precarios, baxo’l lema "Nun robamos, nun debemos, nun pagamos".

El #23F ye un pasu más na necesaria movilización social ya intervención política en defensa de los nuesos derechos, indispensables pa construyir un futuru dignu pa la mayoría social. N’Asturies, la convocatoria parte de la confluencia de tolos sectores y movimientos en llucha contra los retayos y el vaciamiento de derechos sociales, llaborales y democráticos: marees en defensa del sector públicu, movimientos sociales, comités d’empreses en conflictu, estudiantes, precariado, activistes sindicales crítics, militantes de partíos y militantes ensin filiación. Decenes de colectivos y movimientos convoquen esta manifestación. Por poner namás dellos exemplos, na rueda de prensa de la convocatoria tuvieron presentes representantes de la marea negra de trabayadores públicos, la marea asturverde de la enseñanza, la Plataforma en Defensa de la Sanidá Pública, los estudiantes de la Universidá d’Uviéu, el 15-M, el CSOA La Madreña o La Plataforma d’Afectaos pola Hipoteca.

Esta manifestación forma parte de la convocatoria estatal contra’l Golpe d’Estáu Financieru.

“EL 23-F DEVOLVAMOS EL GOLPE. NUN ROBAMOS, NUN DEBEMOS, NUN PAGAMOS”

DOCUMENTOS