Día contra la mal repartida, la nuesa dignidá percima de la so cobicia

18 de avientu de 2013 DE 2013 • Glayiu

El vienres 20 d’avientu van aldericar na Xunta Xeneral d’Asturies los Presupuestos que van determinar la repartida de los recursos n’esti país. Por eso dende l’Asociación contra la esclusión social Alambique, llamen a concentrase delantre la Xunta Xenera.

Un añu más, dexando fuera la garantía a dereches a una vida digna de toles persones. Una vegada más, de llombu a la participación de les persones.

Dende Alambique quieren terminar les acciones del Día "contra la mal repartida" pa señalar la mal repartida de la riqueza n’Asturies, convocando una concentración pa "enmendar a la totalidá" los presupuestos y poder reivindicar que les persones son lo primero. Por eso convocan una concentración onde tengan espaciu toos les persones, grupos, colectivos y movimientos sociales que se ven afectaos, cuantimás aquelles persones que s’atopen en mayor precariedá y esclusión social y que sufren les polítiques de miseria que se plantegen nel presupuestu. Asína queanimen a quien quiera amosar el so refugu a concentrase’l vienres 20 d’avientu, a partir de les 17h, delantre del edificiu de la Xunta de Mal Gobiernu (C/ Fruela, 13 d’Uviéu).