De marcha pa salvar el Naranco

24 de xunu de 2013 DE 2013 • Glayiu

Más d’un centenar de persones participó na 1ª marcha ¡Salvemos el naranco! pol paséu fluvial del Nora pa llamar l’atención sobre la problemática qu’arrodia al monte Naranco nos últimos tiempos y dar a conocer una parte de la so riqueza natural y paisaxística

La marcha a pie d’unos seis kilómetros de percorríu partió del aparcamientu del Centru Ecuestre d’El Asturcón a les once la mañana, percorriendo la sienda paralela del Nora mientres otros salíen a la mesma hora del apeaderu de la estación de RENFE de la Corredoria en bicicleta. L’alcuentru producióse poco primero de llegar a la escampada de la cantera "El Picón", en Brañes.

Una docena de coleutivos ciudadanos y asociaciones convocaron la marcha, ente los que s’atopaben Radiu QK, 15M, La Coordinadora ecoloxista d’Asturies, Equo, vecinos d’Agüeria, ecoloxistes n’aición... Según los convocantes "tan tomándose decisiones que pueden comprometer el futuru del Naranco a mediu y llargu plazu. Pretendemos conocer y dar a conocer espacios dientro del espaciu que nos dexen aprender de la biodiversidá de la zona".

DOCUMENTOS