Contra les hores extra n’ArcelorMittal, pol repartu del trabayu

14 de xunu de 2013 DE 2013 • Glayiu

Un centenar de trabayadores d’ArcelorMittal sofitaos pol colectivu de para@s y precari@s d’Asturies movilizose ayeri na tarde del xueves poles céntriques cais de Xixón pa visibilizar y dar a conocer la problemática qu’hai na factoría coles hores extras, faciendo un llamao al reparto de trabayu.

L@s trabayador@s convoca@s pola plataforma d’espresión colectiva SOM denuncien que nel pasáu añu 2012 fixéronse la friolera de 147.000 hores extra y que nel primer trimestre del añu van 30.000 hores. Datos que tachen de vergonzosos cola actual tasa de paru qu’hai n’Asturies, amás col alcuerdu de conveniu (la llamada fueya en blancu) que robló UGT y USO, nel qu’amás d’amenorgamientu de salariu y demás peoras llaborales, s’amplia les veces de trabayu nos meses de branu, lo que dexa anguaño a les 500 persones de la bolsa de trabayu ensin posibilidaes d’optar a un puestu llaboral, persones que lleven 2 y 3 años entrando a trabayar nos meses de branu.

La protesta trescurrió ensin nengún tipu d’incidente, col@s trabayador@s repartiendo fueyes informatives a l@s vecin@s de Xixón y portando cartelos "a más xornada, menos empléu n’ArcelorMittal", "Non a les hores extra", "pola repartida d’empléu", "solidaridá colos paraos", rematando l’actu con una asamblea abierta na plaza l’Humedal.

Dende’l SOM llamarón a ls trabayadors a organizase y a participar asambleariamente, a combatir les hores extra y a siguir llantando cara a la llei del mieu del "ye que sinón cierra".

DOCUMENTOS