Contra la contaminación electromagnética

24 de xunu de 2013 DE 2013 • Glayiu

Güei 24 de xunu se conmemora’l Día Internacional contra la Contaminación Electromagnética, según informa la Plataforma Asturiana Escuela sin WI-FI,
"Nel Estáu español cada vez hai menos motivos pa cellebrar esti día, ya que les autoridaes siguen promoviendo y subvencionando polítiques de cobertoria total en beneficiu de la industria de telecomunicaciones"

La Plataforma Estatal contra la Contaminación Electromagnética (PECCEM) denuncia que, llueñe de poner en práctica los encamientos del Conseyu d’Europa, de l’Axencia Internacional d’Investigación del Cáncer de la Organización Mundial de la Salú, de l’Axencia Europea de Mediu Ambiente, del Parlamentu Européu, etc. dirixíes a amenorgar les llendes máximes almitíos pa garantizar la salú de les persones, nel Estáu español les autoridaes siguen promoviendo y subvencionando polítiques de cobertoria total en beneficiu de la industria de telecomunicaciones qu’alcen exponencialmente los riesgos a los que ta espuesta la población. Ye’l casu del sistema 4G y la nueva Llei Xeneral de Telecomunicaciones anguaño en trámite, que’l so oxetivu principal ye favorecer l’esplegue tecnolóxicu.

Los socesivos gobiernos españoles fixeron casu omiso de les reivindicaciones de la PECCEM, dirixíes a amenorgar notablemente la llende máxima de radiaciones electromagnétiques, que nel Estáu español ye 4.500 vegaes cimera a la encamentada pol Conseyu Européu pa garantizar la salú de les persones (450 microvatios/cm² frente al valor recomendable afitáu de 0,1 microvatios/cm²).

De resultes d’esta irresponsable política plegada a los intereses económicos de les grandes corporaciones de les telecomunicaciones, Nel Estáu español xorrez de forma notable’l númberu de persones que carecen electrohipersensibilidad, una dolencia de la qu’apenes se fala, por culpa de que, a diferencia de países como Suecia, nun ta reconocida como enfermedá y los sos síntomes (cansanciu, velea, cefalees, irritabilidá, desorientación...) reciben un tratamientu médicu incorrectu que, en non poques ocasiones, agrava’l so carecimientu.

Por tou ello dende la PECCEM reclamen al Gobiernu qu’aplique’l resolvimientu 1815 del Conseyu d’Europa, qu’encamienta a los estaos miembru de la UE a “adoptar toles midíes razonables p’amenorgar la esposición a los campos electromagnéticos y, cuantimás, a los neños y mozos que al paez cuerren mayor riesgu de carecer tumores de la cabeza”.
Que con esti oxetivu xunto a otres organizaciones de Bélxica, Suecia, Francia, Italia y Portugal van promover una Iniciativa Ciudadana Europea (ICE) por que se obligue a los Estaos de la UE a aplicar el Resolvimientu 1815 del Conseyu Européu.