Concentración Librería Central. Ni ERE, ni despidos

Quemar trabayadores pa vender llibros.

17 de ochobre de 2012 DE 2012 • Glayiu

Na tarde del llunes 15 la Corriente Sindical d’Izquierdes entamó una concentración de protesta pol despidu d’una trabayadora de la Llibrería Central, de Xixón, que s’opuso a l’aplicación d’un Espediente de Regulación d’Empléu inxustificáu

Na tarde del llunes 15 la Corriente Sindical d’Izquierdes entamó una concentración de protesta pol despidu d’una trabayadora de la Llibrería Central, de Xixón. A la espera de que tenga llugar l’últimu xuiciu por esti conflictu llaboral, el sindicatu asturianu vino a denunciar el despidu de la trabayadora (que llevaba 7 años na plantilla) como represalia por nun aceptar l’expediente de regulación d’empléu al que s’agarró la empresa. La razón aducida pa esti ERE ye un descensu na facturación de la llibrería (850.000€ en 2011, pa una plantilla de 7 persones), pero según la demandante, "bramente l’expediente vino depués de que’l xulgáu de lo llaboral torgara el cambéu d’horariu arbitrariu que la empresa quería imponene". Según la demandante, l’ERE vieno darréu, como represalia pola sentencia adversa pa la llibrería.

Noticia rellacionada: http://www.glayiu.org/quemar-trabayadores-pa-vender.html

Velo en llínia : Corriente Sindical d’Izquierdes