Concentración en Xixón al grito de ¡Alfon Llibertá!

31 de avientu de 2012 DE 2012 • Glayiu

Alfonso Fernández, deteníu na última fuelga xeneral y en prisión ensin posibilidá de llibertá condicional dende entós , tuvo ayeri el sofitu de cientos de persones que secundaron la convocatoria de Xixón.

Fotografíes por CSI

JPEG - 79.2 KB

Había cerca de 30 manifestaciones y concentraciones convocaes pal vienres en distintos puntos del Estadáu español. Estremaos colectivos sociales y organizaciones polítiques y sindicales secundaron la convocatoria de la Coordinadora Anticapitalista d’Asturies y aconceyaron na Plaza’l Parchís de Xixón. Ellí lleeron un mensaxe unviáu por Elena Ortega, madre de Alfon, y tamién un comunicáu de la Plataforma contra la Represión y poles Llibertaes por unu de los encausaos na manifestación de la Fuelga Xeneral del 14N en Xixón. Depués d’un cachu de concentración, los presentes entamaron un pasucais, empobinando pa les cais más céntriques y comerciales de Xixón. Aprovecharon pa espardir la desixencia de llibertá p’Alfon y semaron la ciudá de pintaes y cartelos con esa vindicación.

Elena Ortega nel so mensaxe estimaba de too corazón el respaldu y sofitu que ta recibiendo per parte de tanta xente: “Solo tengo un pensamientu na mio mente y ye qu’esta llocura llegue a términu, que daquién ponga cordura en tou esto que-y ta asocediendo, porque los díes van pasando y sí a mi fáenme llongures, toi convencida de que pa él son eternos. Nun quiero qu’esta inxusta encarcelación mine al mio fíu más de lo que yá-y ta minando; quiero al mio fíu como foi siempres, nun quiero que tou esto-y esborre la sorrisa, l’allegría que siempres tuvo, les ganes de vivir, nun quiero tener un fíu resentíu, un fíu amarguríu porque esti sistema precise un chivu espiatoriu. Los actos de persecución, represión y criminalización que ta sufriendo’l movimientu social ante cualquier tipu de protesta por defender los derechos de el trabayadores y trabayadores cébase güei na figura del mio fíu, col so encarcelamientu quieren danos una llección, quieren amedrananos, quieren apavorianos, quieren faenos callar como en tiempos pasaos por que nun movilicemos, pa faer sumir los nuesos derechos adquiríos a base de lluchar, tenemos la obligación de siguir lluchando, tenemos la obligación de nun consentir que nos repriman, tenemos la obligación de nun consentir que se criminalice la nuesa llucha.”

Audio de la entrevista que ficieron a la madre de Alfón dende Radio Kras.

El día antes a les movilizaciones, en declaraciones que fixo al diariu Publico, Erlantz Ibarrondo, abogáu de Alfon, criticaba "l’aberración xurídica" que supunxo tol procesu abiertu, que fixo que Alfon siga na cárcel nel réxime FIES 5, unu de los más restrictivos de la lexislación penitenciaria. Esto implica una tortura psicolóxica.

JPEG - 42.4 KB

Ente otres acciones del pasáu vienres, foi hackeada la páxina web d’España na ONU, y permaneció nella hasta’l mediudía del sábadu, el lema de “Alfon Llibertá”, al pinchar nel logo, aportar a un testu nel que s’aseguraba que "n’España funcionen dos lleis distintes. Una, na que los ciudadanos que nun pueden encarar les sos deldes son desanunciaos; otra, na que cuando los bancos qu’especulen o los gobiernos qu’esbardien el dineru de toos nun pueden encarales, son rescataos".

JPEG - 183 KB

Tamién a destacar la monumental pancarta que se descolgó la selmana pasada d’una de les torres de la catedral de Salamanca col lema ¡Alfon llibertá!.

Video de la concentración de Madrid y l’intervención de la madre d’Alfón.