Concentración en solidaridá con Can Vies

2 de xunu de 2014 DE 2014 • Glayiu

Dende’l CSOA La Madreña queremos sofitar al barriu de Sants na defensa del so centru social Can Vies, que ta careciendo l’acosu del ayuntamientu de Barcelona. Por ello, llamamos a concentrase en solidaridá coles compañeres de Can Vies, güei llunes 2 de Xunu a les 19:30 ente les puertes del CSOA La Madreña. [Sábadu charra en Cambalache]

Nun podría ser d’otra forma daos los paralelismos ente los finxos de los nuesos dos centros, dotar al pueblu d’un espaciu d’autoorganización y lliberación: crear xunidá popular.

Si cola ocupacion de La Madreña quisimos denunciar la especulación urbanística y la corrupción asociada al modelu económicu, (concretáu equí n’Uviéu na nomada "operación de los palacios"), vemos como nel barriu de Sants ye un gobiernu de la CiU del "casu paláu" quien pretende desaniciar un proyectu de participación y solidaridá de miles de persones.

Tamién queremos denunciar la criminalización que los medios de comunicación faen de les usuaries y vecines que defenden el proyectu de Can vies o de La Madreña, medios que son propiedá na mayoría de los casos de les entidaes financieres. Con absolutu descaru, esta propaganda que recuerda al mundu que retrató George Orwell en "1984", retrata como violentes a les victimes de l’auténtica violencia, la d’esti sistema que nos dexa ensin trabayu, sin casa, sin alternatives vitales y d’ociu...en suma ensin futuru.

Mientres, pretenden presentanos como defensores de la democracia y la xusticia a los grandes propietarios y a los sos aliaos políticos, responsables mesmos de la terrible situación que vivimos, y que nun duden en militarizar un barriu pa intentar reducir a escombros los suaños coleutivos.

Y pal sábadu 7 a les 19h. Charra-alderique: Efecte Can Vies: esplosión social de resistencia. Gemma Parera, del CSA Can Vies. Nel Llocal Cambalache